Мәктәпнең актлар залында 5-7 нче сыйныфлар арасында космонавтика көненә багышланган " Миллионер булырлыгың бармы?" дигән уен- ярыш уздырылды. Беренче урында 5нче сыйныф, икенче- өченче урыннарны 6-7 нче сыйныфлар бүлеште.

Мәктәпнең актлар залында " Олыяз авылы тарихы"   китабын тәкъдир итү кичәсе булды. Кичәдә китапның эшче төркеме, редакторы Закиров Зиннур Мортаза улы, төп спонсоры " Урал" АХП җитәкчесе Хабибрахманов Г.Х., район башкарма комитеты җитәкчесе урынбасары Каримуллина Равия Абдул кызы, авылның хөрмәтле кешеләре катнашты. Кичәне педагог- оештыручы Багавиева Айсылу Мансур кызы, башлангыч сыйныфлар укытучысы Гыйлметдинова Зөлфия Шарифулла кызы  оештырды.

10 нчы сыйныф укучысы Нәҗмиева Алия Илсур кызы  Әбрәр Каримуллин исемендәге республика күләм конференциядә катнашып, 3 нче урын алып кайтты. Котлыйбыз һәм алга таба да зур уңышлар теләп калабыз.

Мәктәпнең 1-4 сыйныф укучылары зур экраннан " Тайны четырёх принцесс"  әкияте, 5-11 нче сыйныф укучылары " Сталинград" кинофильмын карады. Соңыннан сыйныф сәгатьләрендә бу фильмнар анализланды.

Беренче сыйныфлар Әлифба китабын тәмамлады. Китапны тәмамлау кичәсен  әти-әниләр белән бергәләп уздырды. Балалар сыйныф җитәкчесе Шакирова Чулпан Туфан кызы җитәкчелегендә   Мәгъсүм Лотфуллинның " Гатаның хатасы"  әкият-пьесасын  сәхнәләштерде.  Кичә җыр-бию, шигырьләр, күңелле уеннар белән үрелеп барды.

Барлык хатын - кыз укытучыларны, укучыларны язның беренче бәйрәме - 8 март белән котлыйбыз.

Бүген мәктәптә " Аҗаган " уздырылды. Иң элек укчылар спортзалда ярыштылар. Аннары тауга менү оештырылды.

Узган атнада мәктәптә сәнгать мәктәбендә укучыларының күргәзмәсе оештырылды. Анда 9нчы сыйныф укучысы Гарифуллин Азамат һәм 7нче сыйныф укучысы Хабибуллина Дилиянең рәсемнәре куелды.

20нче февраль көнне 5-7 сыйныфлар арасында " Ягез әле егетләр" кичәсе үтте. Егетләр тәрле яктан үзләрен күрсәттеләр, моңарчы беленмәгән талантлары ачылды. Соңыннан кызлар егетләрне бәйрәм белән котлады.