Кадерле балалар, хөрмәтле әти-әниләр! Сезне Яңа - 2014 ел белән котлыйбыз. Сезгә нык сәламәтлек,озын гомер,бәхет,шатлык телибез. Алга таба да кулга-кул тотынышып,бергә-бергә эшлик!

Бакчабызның икенче кечкенәләр һәм уртанчылар төркеменә Кыш бабай килде. Балалар  җырлап, биеп, уйнап, шигырь сөйләп күрсәттеләр, Кыш бабайдан бүләкләр алдылар.

Бакчабызда зурлар һәм мәктәпкә хәзерлек төркеме балалары Яңа ел маҗараларына юлыктылар. Шүрәле белән урман пәриләре бәйрәмгә хуҗа булмакчылар иде, ләкин...яхшылык барыбер җиңде. Кыш бабай урмандагы якын дуслары ярдәмендә каршылыкларны үтеп, балалар янына килеп җитте.

Бакча хезмәткәрләре белән Яңа ел бәйрәм иртәләре вакытында янгын куркынычсызлыгы таләпләрен үтәү буенча инструктаж үткәрелде.

Кадерле әниләр! Сезне Әниләр көне белән чын күңелдән котлыйбыз. Тормышыгыз матур, йөзләрегез көләч, сәламәтлек һәрдаим юлдаш булсын. Сезгә озын гомер, бәхет, шатлык телибез.

Бүген — әниләр бәйрәме,

Бүген җирдә тантана.

Кояш шуңа көлә бүген,

Гөлләр шуңа шатлана.

Ана! Һәркем өчен иң изге, иң кадерле зат. Бу якты дөньяга килгәч тә нарасыен йомшак куллары белән сыйпап, ак биләүгә биләүче, елаганда юатучы, татлы йокыдан иркәләп уятучы, яшәргә көч-дәрт бирүче газиз әниләр! Сезне бәйрәм белән котлап, балаларыгыз  үз куллары белән чәчәк ясап бүләк итәләр.