Янил урта мәктәбе базасында  Бөек Җиңүнең 70 еллыгы уңаеннан  “Ветеран чаңгычы – Абдуллин Рәфкать Абдулла улы призы” на  багышланган чаңгы ярышы оешкан төстә үтте. Көн­нең чагыштырмача салкынрак  булуына да карамастан, спортның чаңгы тө­рен яратучылар иртә­дән үк мәктәбебез спорт залына җыелды. Ярышта Лельвиж, Олыяз, Село-Чура, Янил  ур­та гомумбелем бирү мәк­тәпләре,  Янил аграр көллияте командалары катнашты.   Ярышны мәктәбебез директоры Зарипов Равил Мәгъсүм улы ачып җибәрде. Яше сигез дистәгә якынлашып килсә дә, бүген дә яшь егетләр кебек атаклы чаңгычы-ветераныбыз, район, республика күләмендә узучы спорт ярышлары җиңүчесе Абдуллин Рәфкать Абдулла улы бәйрәм бе­лән кайнар котлап, кунака килгән чаңгычы-ветераннар белән таныштырды.   

Ярыш шартлары  аңлатылганнан соң, старт бирелде. Спортчылар, салкыннарны куа-куа, чаңгы юлыннан җил­дәй җитез җилдерде. Нәтиҗәдә, Лельвиж гомумбелем бирү мәк­тәбе командасы  1нче  урынны, Янил аграр көллияте командасы 2 нче урынны, Село-Чура гомумбелем бирү мәк­тәбе командасы  3 нче урынны яулады.

Ярышның иң кызык өлеше – ветераннар ярышы булды.  Аларга 2-3 км араны классик стиль  белән үтү берни түгел:  гомер буе спортның бу төренә өстенлек биргәннәр. Әмма һәр ярышта җиңүче булла.  5 ветеран арасында Янил  ур­та гомумбелем бирү мәк­тәбе укытучысы Башаров Фәтхерахман Габдрахман улы җиңеп чыкты.  

Җиңүчеләргә һәм катнашучыларга грамоталар һәм акчалата бүләкләр тапшырылды.