Бүген гимназиядә "Интернатлы гимназиядә гыйльми-тәрбияви тирәлек тудыруда татар мәгърифәтчелеге мирасын куллану" дигән республикакүләм гамәли семинар оештырылды. Анда ТР Дәүләт Советының мәдәният, фән, мәгариф һәм милли мәсьэлэләр комитеты рәисе Разил Вәлиев, ТР Мәгариф һәм фән министрлыгының милли мәгариф бүлеге мөдире Раиф Зиннәтуллин, милли китапханәнең сирәк китаплар һәм кулъязмалар бүлеге баш фәнни хезмәткәре Әнвәр Хәйруллин дә катнашты.

Гимназиянең китапханә мөдире Гүзәл Гыймадиева милләтебезнең данлыклы, зыяллы мәгърифәтче татар хатын-кызлары турында сөйләп үтте. Югары квалификация категорияле тарих һәм җәмгыять белеме укытучысы Әлфия Вәлишина мәгърифәтче Акчуриннар белән таныштырды. Укучы кызлар да үзләренең данлыклы нәсел буыннары турында сөйләде.