"2005 елда әлеге бинаның кыяфәте бик матур түгел иде. Əмма директорыбыз бик көчле булып чыкты, укытучылар коллективы да бик көчле", - диде Радик Гайзатуллин һәм укытучыларга, гимназия бинасын зурайтуда, төзекләндерүдә ярдәме өчен Татарстан Президенты Рөстәм Миңнехановка рәхмәт әйтте. Шулай ук министр илбашлыгы исеменнән гимназиягә 1 млн 250 мең сумлык компьютер классын җиһазландыруга сертификат тапшырды.

Тармак министры Энгель Фәттахов та гимназиянең уңышларын билгеләп үтте. "Уку йорты өчен 20 ел күп түгел, ләкин безнең уку йорты, сезнең уку йорты, бик күп җимешләр бирде. Кайчандыр барлыкка килгән татар-төрек лицейлары үз эшләрен эшләде. Белем бирү системасына үз юнәлешен бирделәр. Бүген дә алар югары сыйфатлы белем һәм тәрбия бирүләре белән аерылып тора", - диде министр һәм гимназиянең актив укытучыларына минтстрлык бүләкләрен тапшырды.

Бәйрәм кичәсе җыр-биюләр белән үрелеп барды.