Апрель  аенда  тыл хезмәтчәне Шаһивәлиева Әминә һәм сугыш чоры баласы Тимершина Сания апаларның туган көннәре. Бүген акция  кысаларында олы хөрмәткә лаек апаларны мәктәп  коллективы бәйрәмнәре белән котлады.

Хөрмәтле өлкәннәребез, ихлас күңел белән ихтирам белдереп, Сезне зурлыйбыз. Чөнки Сез яшь буынның бәхетле яшәве өчен яшьлегегезне, сәламәтлегегезне кызганмагансыз. Эшләгән эшегез, тырышлыгыгыз үзегезгә меңе белән кайтсын иде. Без Сезгә кулдан килгән кадәр ярдәм итәбез, булышабыз. Сезнең белән горурланабыз һәм Сезнең батырлыгыгызга баш иябез. Сез кичергән авырлыклар бер вакытта да кабатланмасын. Илебез тыныч, күгебез аяз булсын! Туган җирнең кадерле, һәркемгә якын икәнен, аны сакларга кирәклеген төшендердегез. Сезгә Җиңү бәйрәмен сәламәтлек, күңел тынычлыгы белән каршыларга язсын. Сез моңа бик лаек! Мул, имин тормышта бәхетле тыныч гомер итүегезне телибез.