24 нче март көнне “ЭКО” өстәмә белем бирү учреждениесе базасында Г.Тукай исемендәге V Бөтенроссия уку бәйгесенең Бөек Җиңүнең 70 еллыгына багышланган муниципаль туры булып узды. Анда барлык  район мәктәпләреннән 40 ка якын  укучы көч сынашты.

   Бәйге түбәндәге яшь номинацияләрендә оештырылды:

-        1 нче төркем: 2-4 нче сыйныфлар;

-        2 нче төркем: 5-8 нче сыйныфлар;

-        3 нче төркем: 9-11 нче сыйныфлар.

Бәйгенең төп темасы – Бөек Ватан сугышы чоры иҗаты иде. Укучылар бу бәйгегә  бик нык әзерләнеп килгәннәр. Алар арасында “кайнар көрәш” барды дип әйтсәк тә була.

Ниһаять, иң дулкынландыргыч вакыт җитте. Шигырь уку бәйгесенең нәтиҗәләре билгеле булды.

                   2-4 нче сыйныфлар арасында:

-           1 нче урын: Губаева Миләүшә, 2 нче сыйныф, Мөрәле төп мәктәбе;

-           2 нче урын: Әскәров Ранис, 2 нче сыйныф, Бәрлебаш төп мәктәбе;

-           3 нче урын:  Кошкина Нина, 1 нче сыйныф, Подберезье урта мәктәбе;               

                  5-8 нче сыйныфлар арасында:

-         1 нче урын: Мусина Фирүзә белән Гибадуллина Адилә, 7 нче сыйныф, Бәрлебаш төп мәктәбе;

-         1 нче урын:Тараканова Марина, 8 нче сыйныф, Чүти урта мәктәбе;

-          2 нче урын: Шамилова Лилия, 5 нче сыйныф, Кайбыч урта мәктәбе;

-                  3 нче урын: Хәмидуллина Эльвира, 8 нче сыйныф, Федоровское урта мәктәбе.

                  9-11 нче сыйныфлар арасында:

-          Сәгъдиев Фидан, 11 нчы сыйныф, Кайбыч урта мәктәбе;

-          Петухова Евгения, 10 нчы сыйныф, Иске Тәрбит урта мәктәбе;

-          Закирова Алсу, 10 ны сыйныф, Чүти урта мәктәбе.

Әйдәгез, аларга республикада үткәреләсе Шигырь бәйгесендә уңышлар телик.

            Уңышка ирешкән укучылар мәгариф идарәсенең  Дипломнары белән бүләкләнделәр.   Бәйгедә катнашкан   балалар бөек шагыйрьләребезгә баш иеп, рухи азык туплап, күңелләрен баетып, тагын бер тапкыр туган телебезнең бөеклегенә  соклану мөмкинчелеге алдылар.