Муниципальное бюджетное общеобразовательное учреждение «Чутеевская средняя общеобразовательная школа Кайбицкого муниципального района Республики Татарстан» / «Татарстан Республикасы Кайбыч муниципаль районы Чүти урта гомуми белем бирү мәктәбе» муниципаль бюджет гомуми белем бирү учреждениесе
Визитная карточка
Адрес: | 422338, с. Чутеево, ул. Гисматуллина, д. 35 |
Телефон: | 8(843)70-33-6-22 |
E-Mail: | sch723@rambler.ru |
Министерство: | Министерство образования и науки Республики Татарстан |
Короткое название: | МБОУ "Чутеевская СОШ" |
Руководитель: | Хуснутдинов Раис Гаряфтинович |
Год основания учреждения: | 1907 |
У нас учатся: | 91 учеников /91 укучы, в филиале-8 учеников / филиалда -8 укучы |
У нас учат: | 18 учителей/ 18 укытучы |
Муниципальное бюджетное общеобразовательное учреждение «Чутеевская средняя общеобразовательная школа Кайбицкого муниципального района Республики Татарстан» / «Татарстан Республикасы Кайбыч муниципаль районы Чүти урта гомуми белем бирү мәктәбе» муниципаль бюджет гомуми белем бирү учреждениесе - новости
Страницы: 1 2 3 ( 4 ) 5 6 7 8 9 10 >>
-
Әти-әниләр җыелышы
21.03.2024
Бүген, 21 нче мартта, Чүти урта мәктәбендә әти-әниләр җыелышы булып үтте. Җыелыш башлангыч сыйныфларның "Сәламәт яшәү рәвеше" дигән темага багышланган агитбригада чыгышы белән башланып китте. Айсылу Миргумәр кызы "Вакытны дөрес сарыф итик" дигән темага доклад укыды. Биология укытучысы Таңсылу Геннадий кызы җитәкчелегендә күрсәтелгән осталык дәресенең дә әти-әниләргә файдасы бик зур булачак, чөнки ул кайбер эчемлекләрнең кеше организмына зыяны турында иде. Җыелышның икенче өлеше сыйныфларда дәвам итте.
-
“Аҗаган-2024”
09.03.2024
Бүген Чүти урта мәктәбендә “Аҗаган-2024” уены үтте. Аҗаган-башлангыч хәрби әзерлек буенча шәхси күнекмәләрне тормышка ашыруда, хәрби-патриотик һәм спорт эшен камилләштерүдә хис-кичерешләр бирә торган хәрби-спорт бәйрәме. Уен барышында катнашучылар ике ротага бүленеп, төрле хәрби-гамәли спорт төрләрендә уен элементлары белән ярыштылар.
Үткәрелгән сынаулар һәм ярышлар нәтиҗәсендә 2 нче рота җиңү яулады. Җиңүчеләр грамота белән бүләкләнде.
-
“Үзебезнекеләрне ташламыйбыз”
04.03.2024
Махсус хәрби операциядәге егетләрнең күңелләрен күтәрү, өй атмосферасы булдыру йөзеннән кулдан киселгән токмачлар һәм 50 кг га якын чәк-чәк әзерләнде . Бу тәм- томнар егетләребезгә барып ирешер дигән теләктә калабыз.
-
“Җиңүгә җыр белән!”
02.03.2024
Шушы көннәрдә Чүти, Зур Тәрбит, Иске Тәрбит, Чәчкаб мәдәният йортларында “Җиңүгә җыр белән!” дип аталган тема астында хәйрия концертлары узды.
Концертта Чүти һәм Зур Тәрбит авылы үзешчәннәре, мәктәп укучылары катнашты. Алар тамашачыларны Ватанга мәхәббәт, ярдәм итү һәм җиңүгә ышаныч белән тулы чыгышлары белән сөендерделәр. Бу искиткеч чара бердәмлек һәм патриотизмның якты чагылышына әверелде.
-
Урок безопасности в сети интернет на тему «Осторожно, мошенники»
02.03.2024
Для учащихся старших классов сегодня был проведен Урок безопасности в сети интернет на тему «Осторожно, мошенники».
-
Шәмнәрдә күңел җылысы...
28.02.2024
Бөтен ил буйлап хәрбиләргә төрле яклап ярдәм итү оештырылган. Бу изге эшкә Чүти урта мәктәбе дә кушылды.Укучылар белән бергә СВО зонасындагы хәрбиләр өчен блиндаж шәмнәре ясалды.
Шушы шәмнәргә салынган күңел җылысы һәр солдатны җылытыр дип ышанабыз.
-
Очрашу мизгеле күңелле, бәхеткә күмә ул күңелне!
22.02.2024
21 нче февраль көнне Чүти урта мәктәбенең филиалы Олы Тәрбит башлангыч мәктәбенең 3 а сыйныфы укучылары һәм әти әниләре белән очрашу үтте. Очрашуны 3 нче сыйныф җитәкчесе Шәрәфетдинова Айсылу Миргумәр кызы “Дуслыкта көч” дип аталган осталык –дәресе белән башлап җибәрде. Очрашуның икенче өлешендә укучылар әти-әниләргә җыр, биюләр бүләк иттеләр. Концерттан соң бәйрәм спорт залында дәвам итте. Балалар әти-әниләре белән «Әти, әни һәм мин» дигән спорт ярышында катнаштылар. Ярыш бик күңелле үтте. Анда 8 гаилә катнашты. Балалар белән әти-әниләр төрле каршылыклар аша узды, ярышларда бирешмәскә тырышты. Очрашу ахырында мәктәп директоры Рәис Гәрәфтинович гаиләләргә грамоталар һәм истәлекле бүләкләр тапшырды.
-
Әфганчылар белән очрашу кичәсе
14.02.2024
1989 елның 15 феврале илебез тарихына мәңгелеккә кереп калды. Бу көнне совет гаскәрләренең соңгы сугышчылары Әфганстан җиреннән чыгарылды. Бу әфганчы ир-егетләребезне хөрмәтләү, чит җирләрдә башларын салган якташларыбызны искә алу, аларның якыннарының хәлен белү көне булып тарихка кереп калды. Әфган бәрелешләрендә газиз улларын югалтып, күпме аналар канлы күз яшьләре түктеләр. Алар алдында олы хөрмәт белән баш иябез. Шул уңай белән “ЭКО” мәктәптән тыш эшләр үзәгендә әфган сугышы ветераннары белән очрашу кичәсе булды. Безнең Чүти урта мәктәбеннән бу очрашуда 11 укучы катнашты һәм юнармия сафларына кабул ителде.
-
"Үсеш ноктасы" буенча чираттагы семинар
05.02.2024
Бүген Чүти урта мәктәбендә "Үсеш ноктасы үзәге ресурсларын кулланып, төп һәм өстәмә гомуми белем бирү программаларын гамәлгә ашыруның гамәли аспектлары" дигән тема астында мәктәп җитәкчеләренең чираттагы семинары узды. Семинар "Гаилә елы" на старт бирелү белән башланып китте. 8 -11 нче сыйныф укучылары "Үсеш ноктасы" буенча "Осталык дәресләре" күрсәттеләр.
-
“Ленинград блокадасы өзелүгә-80 ел”
25.01.2024
1944 елның 27 гыйнвары Ленинградның камалыштан чыккан көне. Бөек Ватан сугышы тарихындагы бөек вакыйгага сиксән елдан артык вакыт үтеп китте Бу тарихи датаны искә алып, тарих укытучысы Ловкин Геннадий Петр улы “Ленинград блокадасы өзелүгә-80 ел” дигән патриотик сәгать үткәрде. Дәрестә 8, 9 класс укучылары катнашты. Ленинград 1941 елның 8 сентябреннән 1944 елның 27 гыйнварына кадәр 872 көнгә камалышта кала. Ленинградлылар өчен бу үлем исе аңкып торган иң авыр 872 көн була. Авыр, сынаулы көннәрдә шәһәрдә якынча 400 меңгә якын кеше чолганышта кала. Исән калучыларны бердәнбер коткарган вакыйга-ул Ладога күле аша шәһәргә җиткерелүче бик аз күләмдәге азык запасы. Камалышта калучыларның ничек яшәвен сөйләп аңлатып бирерлек тә түгел.
Укучылар Ладога күле аша узучы данлыклы “ЯШӘҮ ЮЛЫ-ДОРОГА ЖИЗНИ” турында белделәр.