30 ноябрь көнне мәктәптә “Россия - Минем горизонтларым”(“Киләчәккә Билет”) курсында “Инженерлык өлкәсендәге һөнәрдә үземне сынап карыйм һөнәри юнәлеш бирү дәресе узды.Укучылар космос тармагында эшләүче инженерлык өлкәсе белгече белән таныштылар, бу һөнәр турында кызыклы видеоролик карадылар шулай ук "Россия" күргәзмәсе белән танышуны дәвам иттеләр.
Очышларны идарә итү үзәгендә төрле белгечлекләр буенча инженерлар эшли: программистлар, система архитекторлары, сынаучылар, идарәчеләр һәм башка күп кенә белгечләр. Спутникны көйләгәндә сынау инженерларының 15 минут кына вакыты бар. Бу вакыт эчендә спутник белән элемтәгә керергә мөмкин, аннан соң ул элемтә зонасыннан 1 сәгать 40 минутка югала. Бу вакыт - Җир тирәли бер әйләнеш ясау вакыты. 15 минут эчендә сынау инженерына спутникка һәр бирем өчен максималь командалар биреп өлгерергә кирәк. Шушы шартларны искә алып, укучылар да үзләренә бирелгән сынауларны үтәделәр. Сынау инженерлары эшчәнлеге белән таныштылар, аларның компетенцияләрен билгеләделәр һәм интерактив биремнәрне эшләделәр.