Балалар бакчасына җайлашу һәр бала өчен авыр вакыт, бу яңа шартларга, яңа режимга ияләнү процессы гына түгел. яңа мөнәсәбәтләргә, шулай ук яңа белемнәр, күнекмәләр эшләү дә керә. Август аеннан без яңадан сабыйларны балалар бакчасында кабул иттек. Җайлашу барысының да төрлечә барды. Кемдер беренче көннәрдән үк төркемгә барган, тик шулай да ешрак әни белән аерылышу күз яшьләре белән үрелеп барган. Кайберәүләр, киресенчә, балалар һәм өлкәннәр белән аралашудан баш тарта. Һәм бу нормаль күренеш, чөнки бала өчен балалар бакчасы, һичшиксез, билгесез пространство, яңа әйләнә-тирә мохит һәм мөнәсәбәтләр белән тора. Әмма без сабыйларның балалар бакчасына тизрәк җайлашсын өчен барысын да эшләдек. Тән терапиясе элементларын кулландык (баланы кулга алабыз, кочаклыйбыз, ); әкиятләр сөйлибез, йоклар алдыннан бишек җыры җырлыйбыз; бала белән аралашуның уен методларын кулланабыз; баланың уңай образын тудырабыз.

Һәм бу яхшы нәтиҗәләр бирә, балалар куркусыз төркемгә бара.  Ә алда әле күпме кызыклы нәрсәләр бар! Күпме җиңүләр, казанышлар, бәйрәмнәр!