Бүген 27 нче апрель көнне 35 нче “Лейсән”исемле балалар бакчасында бөек шагыйрь Габдулла Тукайның туган көне билгеләп үтелде.Әлеге бәйрәм шагыйрьнең“Туган тел” исемле шигыре белән башланып китте.Бүгенге чарада уртанчылар,зурлар,мәктәпкә әзерлек төркеме балалары катнашты.Бәйрәмнең беренче өлешендә, татар теле тәрбиячеләре Хабибуллина А.З.,Салимова Г.Ф.балаларны, презентация ярдәмендә,шагыйрьнең тормыш юлы һәм иҗаты белән таныштырдылар.Балалар Габдулла Тукайның шигырьләрен ике телдә сәнгатьле итеп сөйләделәр, “Бала белән күбәләк”, “Кызыклы шәкерт” шигырьләрен сәхнәләштерделәр.Бәйрәмнең икенче өлешендә Габдулла Тукайның әкиятләре, шигырьләре буенча ясалган рәсем конкурсына йомгак ясалды,дипломнар һәм сертификатлар тапшырылды: 9 нчы мәктәпкә әзерлек тәркеменә диплом лауреат исеме , 1 нче дәрәҗәдәге диплом исеме 5нче мәктәпкә әзерлек төркеменә, 2 нче дәрәҗәдәге диплом 1нче, 2нче зурлар төркеме балаларына, 3 нче дәрәҗәдәге диплом 6 нчы төркем балаларына,7 нче, 8 нче төркем балаларына катнашкан өчен сертификат бирелде. Иң яхшы дип табылган кул эшләренә: 2 нче төркемнән Хамидова Альбина, Ханнанов Ильдан, 8 нче төркемнән Сахабутдинов Тимур, 5 нче төркемнән Каримов Ильясларга сертификатлар тапшырылды.Барлык балалар һәм педагоглар бәйрәмнән кәнагать калдылар.