Каникул вакытында 1 нче сыйныф укучылары 4 енче гыйнвар көнне “Туган ягымда кыш “ дигән темага экскурсия үткәрде.  Экскурсиянең максаты : балаларны табигать тәге кышкы үзгәрешләр белән таныштыру; табигать кә карата сакчыл караш тәрбияләү; балаларның игътибарын һәм күзәтүчәнлекләрен үстерү иде. Балалар  кышкы табигаттәге үзгәрешләрне   күзәттеләр, һава торышы турында  кызыксындылар,   кардагы  эзләрне билгеләделәр, рәсем ясадылар. Агачларга эленгән  җимлекләргә җим салып, анда килгән кошларны күзәтү балаларда бик зур кызыксыну уятты. Экскурсия   күңелле үтте. Ахырдан балалар саф һавада төрле уеннар уйнадылар.

    5 гыйнвар көнне 4 сыйныф укучылары белән “Син беләсеңме?” дигән интеллектуаль уен үткәрелде. Балалар өч төркемгә бүленеп карточкадагы биремнәрне үтәделәр. Рус теле, математика, тирә-юнь фәннәре буенча балаларның белемнәре тирәнәйтелде, балаларда белемгә омтылыш, туган якка мәхәббәт, патриотизм хисләре тәрбияләнде.

          2 енче сыйныф укучылары белән, 2 нче гыйнварда “Кайда? Кайчан? Ничек?” –интеллектуаль уен үткәрдек. Балалар кайда нинди үсемлекләр үсүе турында интернет чыганаклардан күреп бик кызыксынып карадылар. Шоколадның кайдан килеп чыгуы бигрәк тә балаларда зур кызыксыну уятты. Уен ахырында балалар белән берлектә үсемлек орлыклары чәчтек. Бу “Агачлар утырт!” акциясенә әзерлек эше булды.