Без 7 ноябрь көнне 3-4 сыйныф укучылары белән район мәдәният йортына Экологик-мәдәният  әйләнә-тирәне   саклау елына багышланган  фотокүргәзмәгә     экскурсиягә бардык.  Күргәзмәдә кулдан ясалган эшләр һәм фотокүргәзмә оештырылган иде.  Укучылар күргәзмәдә куелган фотолар һәм кулдан ясалган әйберләр күреп, пластик шешәләрдән, стаканнардан, шешә капкачларыннан әйберләр ясап булуына тагын бер кат ышандылар.  Күргәзмә бик ошады. Фотокүргәзмәдә  үзебезнең авылдагы   Кыпыр бабай чишмәсе һәм кар ьер сүрәтләре дә куелган.  Күргәзмәдән соң балалар китапханәсенә бардык. Китапханәчеләр балаларны каршы алып китаплар белән таныштырдылар. Татар, чуваш, рус телендә балаларга бик матур, завык белән бизәлгән китаплар  тезелгән. Уку залында  укучылар белән  сорау-җавап формасында уен оештырылды. Сораулар бик кызыклы иде.  Балалар тырышып җавап бирделәр.

“Туган як” музеена кердек.  Анда безнең якларда миллион еллар элек мамонтлар яшәгән икәнлеген  сөйләделәр.  Мамонт калдыклары табылган, музейга куелган.  Элеккеге һәм хәзерге  акчаларны чагыштырып күрсәттеләр.  Якташ язучылар, артистлар, танылган шәхесләр турында  сөйләделәр. Таныш артистларны табу уены үткәрелде. Икенче бүлмәдә  музей экспонатлары белән таныштык. Хәзерге һәм элеккеге техниканың аермасы, аның үсеше турында сөйләнде. Монда беренче телефоннар, зур компьютерлар     белән таныштырдылар. Балалар бу экскурсиядән канәгать калдылар.