Безнең мәктәп укучылары һәр ел саен Мәгариф министрлыгы һәм КФУ, башка югары уку йортлары белән берлектә үткәрелә торган фәнни-тикшеренү конференцияләрендә актив катнашып киләләр. Быел Каюм Насыйри исемендәге конференциядә 11нче сыйныф укучылары Мустафин Ленар – экология (җитәкчесе Ф.Ф.Нәүмәтов), Якупова Розалия – туган якны өйрәнү (җитәкчесе Л.Ф.Мөхәммәтҗанова) буенча чыгыш ясап грамоталарга лаек булдылар. Ә Булат Мөшәрәпов «Пути повышения инвестиционной привлекательности и развития промышленности Дрожжановского района и села Шланга» темасына язылган эшен яклап II дәрәҗәле дипломга лаек булды. Укытучыларыбызны һәм укучыларыбызны уңышлары белән котлыйбыз. Аларга саулык, шатлык, имтиханнарда уңышлар теләп калабыз.