Әфган сугышы-һәр шәһәр, район, авылга кагылган.Аның рәхимсез җиле, кайгысы күп йортларга кергән. Бу афәт яшь гомерләрне өзде, әти-әниләргә бетмәс кайгы китерде. Исән-сау кайтучылар бәхетле, тик шулай да, аларның яшьлек еллары сугышта үткән һәм ул көннәр тормышларында иң авыр хатирәләр булып саклана.

Авылдашыбыз Дамир Сирачетдинов шундыйлардан. Бүген без аны балалар белән очрашуга чакырдык. Балалар абыйларына концерт номерлары күрсәттеләр, ә Дамир абыйлары аларга үзенең сугышта күргәннәрен сөйләде,  теләкләр теләде. Иң мөһиме - илдә тынычлык булсын-дип сүзен төгәлләде ул.