1 октябрь көнне мәктәптә “Үткән гомерем бер мизгел” дигән исем астында зур әдәби –музыкаль кичә үткәрелде.Кичәне татар теле һәм әдәбияты укытучысы Насибуллина Гөлинә Фатых кызы алып барды. Кичәгә мәктәптә эшләп ялга киткән укытучылар, техник хезмәткәрләр, балаларның әби –бабалары чакырылган иде. Алар хөрмәтенә 3,5, 6 нчы сыйныф укучылары тарафыннан әзерләнгән концерт күрсәтелде. Кунак булып килгән өлкәннәребез дә үз осталыкларын бик теләп күрсәттеләр.Халилова Сария апа, Айнетдинова Факия апа үзләренең моңлы тавышлары белән күңелләрне җилкендереп җибәрделәр.Өлкәннәргә хөрмәт йөзеннән, бәйрәмне йомгаклап, укытучылар коллективы да “Картаямыни соң йөрәк?” –дигән җыр бүләк иттеләр. Өлкәннәр белән әңгәмә, күңел ачулар чәй өстәле артындда дәвам итте... Кичәдә барлык укытучылар да, укучылар да  катнашты.