Тормыш шулай корылган-без юлларсыз яши алмыйбыз.Сәяхәткә җыенсак та, дусларыбыз, якыннарыбыз белән күрешергә уйласак та, юллар үтәргә туры килә. Ә юл- бер-берсен узышып чапкан машиналар ташкыны һәм ашыгучы җәяүлеләр.

Юл һәлакәтләренең күбесе игътибарсызлыктан, мәгънәсез тәвәккәллектән килеп чыга. Юл иминлеге мәсьәләсе елдан-ел кискенләшә. Юлларда аварияләр үзләреннән-үзләре генә барлыкка килми. Шуның өчен дә юл йөрү кагыйдәләрен белү, үтәү - Һәркемнең бурычы.

2015нче  елның 15нче  июнендә Яңа Кәкерле төп гомуми белем бирү мәктәбе каршында оештырылган “Күңелле сәяхәтчеләр” сәламәтләндерү лагеренда үткәрелгән кичәнең исеме дә шул хакта әйтә һәм балаларның юл йөрү кагыйдәләрен ничек үзләштергәннәрен тикшерүне максат итеп куя.

Үткәрелгән кичәдә районның ЮХИДИ хезмәткәре А.М.Хуҗиев,мәктәп директоры Ш.М.Абдрахманов,укыту һәм тәрбия эшләре буенча директор урынбасары Р.Ш.Абдрахманов та катнаштылар. А.М.Хуҗиев үзенең чыгышында балаларга киңәшләрен һәм теләкләрен җиткерде,сорауларга җавап бирде.

Кичә бик матур үтте. Балалар алып килгән бүләкләргә бик  канәгать һәм шат булдылар. ЮХИДИ хезмәткәре А.М.Хуҗиевка үзләренең  рәхмәтләрен җиткерделәр.

Бәйрәмне эчтәлекле һәм үзенчәлекле  итеп лагерь җитәкчесе Җамалтдинова Л.Н.һәм тәрбияче Вилданова Г.К. оештырды.