2015 нче елның 22 нче мартында Чүпрәле районы мәктәпләрендә белем алучы бер төркем укучы Казан шәһәрендә сәяхәттә булып кайтты. Бу сәяхәт Бөек  Җиңүнең  70 еллыгын каршылап үткәрелгән чараларда актив катнашкан, шулай ук  район һәм Республика күләмендә  татар һәм рус телләре буенча  фән олимпиадаларында җиңү яулаган  укучыларны бүләкләү максатыннан оештырылган  иде. Районыбызның 4 мәктәбеннән килгән укучылар Г.Камал театрында спектакль карап, Казанның милли музеенда да булып бик канәгать кайттылар. Бу сәяхәтне оештырып укучыларның күңелләрен күргәннәре  өчен педагогика  фәннәре докторы, профессор, РФ атказанган укытучысы Ә.Н.Хуҗиәхмәтовка, Чүпрәле районы Мәгариф бүлеге җитәкчесе Ю.С.Мутинга һәм Яңа Кәкерле төп гомуми белем бирү мәктәбенең укыту һәм тәрбия эшләре буенча директор урынбасары Р.Ш.Абдрахмановка рәхмәтебезне белдерәбез. Мондый чаралар  киләчәктә  тагын да   ешрак оештырылсын иде.