Җәмгыятьтә үсеш космик тизлек белән алга бара. Бу тизлеккә өлгерү өчен, кешеләр һәрдаим стресс халәтендә яшәргә мәҗбүр. Бу исә аларның психикасына нык зыян китерә. Суицидка китергән сәбәпләрнең берсе - стресс халәтеннән чыга алмау.

 Мәктәптә дә суицид темасы телгә алынмыйча кала алмый. Чөнки бу бәла балигъ булмаганнар арасына да үтеп керде.

  Яңа Кәкерле төп гомуми белем бирү мәктәбендә суицидны булдырмау максатыннан төрле чаралар үткәрелеп килә.Мәсәлән 6-7нче сыйныф укучылары белән “Үз-үзеңә кул салу-олы гөнаһ” дигән әңгәмә үткәрелде. Авылыбыз мулласы Әмирҗан абый үз - үзеңә кул салуның дин күзлегеннән ни дәрәҗәдә гөнаһ булуы хакында аңлатты.

 8-9 нчы сыйныф укучыларына суицидка багышланган презентация күрсәтелде һәм информатика укытучысы Р.Ш.Абдрахманов укучыларга кайбер сайтларның зарарлы һәм аларның никадәр куркыныч булулары хакында сөйләде.

 Яңа ел бәйрәмнәре алдыннан район прокуроры Маликов Илдар Илгизәр улын   чакырып, “Балаларны суицидтан саклыйк!” –дип исемләнгән  ата –аналарның гомуми җыелышы үткәрелгән иде. Ул да үзенең чыгышында бу тема буенча   кайбер киңәш-тәкъдимнәрен җиткерде. Бу хакта без район газетасындада бастырып чыгарган идек.