Һәр яңа көн туган саен,Бөек Җиңүнең 70 еллыгы якыная бара. Аны зурлап  билгеләп үтү һәрберебезнең изге бурычы. Әгәр без моны эшли алмасак,  сугыш кичкән әтиләребез, бабаларыбыз, апаларыбыз безне кичермәсләр. Без шуны истә тотып, һәр атнада истәлекле чаралар үткәрергә тырышабыз.

  Үткән атнада авыл һәм мәктәп китапханәчеләре әзерләгән китап укучылар конференциясе булды. Г.Әпсәләмовның “ Ак чәчәкләр” романы буенча әзерләнгән конференция бик эчтәлекле булды. Катнашучы укучылар да, карап утыручылары да үз фикерләрен әйтеп калырга тырыштылар. Ничек кенә булмасын, укучыларда табиб һөнәренә карата кызыксыну хисләре уятылды дип уйлыйм.

  6 нчы февраль көнне 1,3 нче сыйныфларда   патриот шагыйрь М.Җәлилнең   тууына 109 ел тулуга багышланган “ Батыр үзе үлсә дә, исеме кала” – дип исемләнгән  ачык сыйныф сәгате үтте.

Батыр якташыбыз  З.З.Алимовның, әфганчылар хөрмәтенә куелган бюст һәм истәлек ташларының як –якларын даими чистартып торабыз. Шунда ук Җиңүгә багышланган  биш –ун минутлык әңгәмә үткәрелә.