Бүгенге көндә илебез Бөек Җиңүнең 70 еллыгын зурлап билгеләп үтү өчен зур эшләр башкара. Әлбәттә, мәктәпләр һич тә читтә кала алмый. Алдан төзелгән план нигезендә, безнең мәктәптә төрле чаралар үткәрелеп килә. Үткән атнада 6 -7 нче сыйныфларда “Герой пионерлар   “ –дип аталган ачык сыйныф сәгате үтте. Укучыларга Ватан сугышы һәм анда катнашкан пионерлар  турында  күп мәгълүматлар бирелде. Шулай ук үткән атнада “Сугыш җырларын” башкаруга конкурс игълан ителде. Ә 23 нче гыйнвар көнне 9 нчы сыйныф укучылары конкурсны ачып җибәрәчәкләр.

 Ф.Кәримнең шигырьләрен сәнгатьле уку буенча  “Хәтеремдә шигырь юллары...” – дип исемләнгән ярыш  үткәрелде .  17 нче гыйнварда  иң – иңнәре сайлап алынды.  Алар арасында Хакимова Инзилә иң остасы дип табылды.Ярышны татар теле һәм әдәбияты укытучысы Насибуллина Г.Ф. оештырды.

21 нче гыйнварда “Йөрәктә җыр, кулда мылтык” – дип исемләнгән стенд әзерләнде. Аны педагог –оештыручы Вилданова Д.И. белән китапханәче Р.Б.Миначева әзерләде. Стендта сугыш  җырлары, аларга карата рәсемнәр.

Үткән атнада сугыш ветераннары Сибгатуллин З.С. һәм Залалетдинов Ф. З-ларның  гомер бәйрәмнәре булды.Укучылар белән берлектә педагог- оештыручы Вилданова Дилүзә, 2-4 нче сыйныф җитәкчесе Замалтдинова Лилия һәм Миначева Райнәләр аларның өйләрендә булып кайттылар. Укучылар концерт номерлары  белән чыгыш ясадылар .