24 нче декабрь көнне Кече Чынлы урта мәктәбендә З.Нуриның иҗади мирасын өйрәнүгә багышланган фәнни – гамәли конференция булып узды.Бу конференцияне районыбыз оешуга 85 ел тулу уңаеннан оештырылган зур чара буларак та кабул итәргә кирәктер бәлки. Чөнки укучыларыбызның фәнни эшләрендә якташ язучыларыбыз турында күп мәгълүматлар тупланган иде. Безнең мәктәптән 9 нчы сыйныф укучысы Закиров Айваз Ильнур улы  ”Якташ шагыйрьләребез иҗатында сугыш темасы” –дип исемләнгән фәнни эше белән катнашып, Диплом белән бүләкләнде. Киләчәктә дә мондый чаралар күп булыр дигән теләктә калабыз.