15нче февраль көнне мәктәбебез иртәдән кичкә кадәр шау – гөр килде. Әфганчылар хөрмәтенә һәйкәл ачу тантанасы тәмамлангач, авыл халкы һәм кайткан кунаклар кереп “ Әфганстан –җан ярасы” – дип исемләнгән бик матур кичә карадылар. Кичәне татар теле укытучысы Гөлинә Насибуллина алып барды. Китапханәче Миначева Р.Б.  китап күргәзмәсе оештырды. Ә педагог –оештыручы Вильданова Г.Ф., татар теле укытучысы Вилдангова Г.К., рус теле укытучысы Айнуллина М.Ф., башлангыч сыйныф укытучысы Замалтдинова Л.Н. кичәне оештыруда актив катнаштылар. Ә тарих укытучысы Закиров И.З. Әфганстан сугышы темасына видео  язмалар, ветераннар турында презентацияләр әзерләгән иде. Кичәдә авылдашыбыз Татарстанның атказанган артисты ИлСаф, яшь артистыбыз Айрат Җәмәлтдинов һәм Ульян шәһәренең танылган һәвәскәр артисты Римма Мухаметҗяновалар катнашты. Халык өч сәгатькә якын барган бәйрәм кичәсеннән  зур канәгатълек белән таралды.