Әлифба бәйрәме – мәктәп елларында истә кала торган иң тәүге бәйрәмнәрнең берсе. Бүген безнең мәктәбебездә дә “Әлифба бәйрәме” үткәрелде. Беренче сыйныф укучылары белем дөньясындагы беренче җиңүләрен бәйрәм иттеләр. Бәйрәмгә  урман җәнлекләре дә килгән иде.Укучылар  бәйрәмдә җырладылар, биеделәр, шигырьләр сөйләделәр.  Алар, “Белем иле”нең «Әлифба», «Азбука», «Математика» һ.б. тукталышларында булып, төрле- төрле биремнәрне дә башкардылар. Шул рәвешле алган белемнәрне кабатладылар һәм гомумиләштерделәр.
Бәйрәм бик күңелле үтте. Балалар тырыш булырга, ялкауланмаска, алдынгылар рәтендә булырга, "2"ле алмаска, "4"-"5"кә генә укырга, туган илгә хезмәт итәргә сүз бирделәр.
 Ә без беренче сыйныф укучыларын бәйрәм белән котлыйбыз, киләчәктә дә уңышлар теләп калабыз!