Җиңү көне- олы бәйрәм бүген!
    Җиңүчене данлый илебез!
     Канын коеп, гомерен биргәннәрне,
     Онытырга тиеш түгел без,
     Онытырга тиеш түгелбез!
     Русия тарихында бу үзенчәлекле көн – Бөек каһарманлык көне, Ватанны саклаган кешеләрнең батырлыгы һәм кыюлыгы символы.  Сафлары елдан-ел си Яшь аралаш елмаеп бәйрәм итә торган Җиңү көне якынлаша. Дистәләгән еллар дәвамында Җиңү көне иң зур, иң дулкынландыргыч бәйрәмнәрнең берсе булып тора.рәгәя барган ветераннарыбызны тагын да кадерли, җиңү һәм тынычлык хакы турында кабат уйландыра торган көн бу.
9 Май - Җиңү көне уңаеннан, безнең Алимов Зариф исемендәге Яңа Кәкерле төп гомуми белем бирү мәктәбендә бәйрәм митингы үтте. Анда мәктәп укучылары, тыл ветераннары, сугыш чоры балалары, укытучылар һәм килгән кунаклар катнашты.
Чараны мәктәп директоры Шамил Мөбәрәкҗан улы Абдрахманов алып барды. 
– Бүгенге матур тормыш өчен безнең бабаларыбыз кулларына корал алып сугышка киткән, гомерләрен кызганмыйча утка, суга кергәннәр. Аларның исемнәре үлемсез! – дип чыгыш ясады ул. 
Бәйрәмдә район вәкиле Исламетдин Шакирҗан улы Низамов, Яңа Ишле авыл җирлеге башлыгы Радик Усман улы Мөхәммәтҗанов, авылыбызның имам хатыйбы һәм Советлар Союзы Герое Зариф Закир улы Алимовның туганнан туган энесе Рамил Рафыйк улы Алимов, сугыш чоры баласы Әмирҗан абый Багаутдиновларның чыгышлары тыңланды. Чара укучылар һәм укытучылар тарафыннан әзерләнгән бәйрәм концерты белән дәвам итте. Әдәби-музыкаль монтаж бәйрәмдә катнашкан һәр кешенең күңеленә бик хуш килде.
Митинг барышында Бөек Ватан сугышында һәлак булган Советлар Союзы Герое Зариф Закир улы Алимов истәлегенә куелган бюстка венок һәм чәчәкләр салынды.
Бәйрәм ветераннар хөрмәтенә әзерләнгән чәй табыны артында дәвам итте.