Май бәйрәмнәргә, истәлекле көннәргә бай ай. Урта һәм өлкән буын кешеләр 19 май – Пионер туган көнне яхшы хәтерли. Пионерлар алар - беренче булып эш башлаучы, юл яручы дигәнне аңлата. Бу сүзне пионерия баскычларын үтеп үскән кеше тулысынча аңлый. Бүгенге буын аларны китаплардан гына укып белсә дә, алмаш булып варислар үсеп килә. Аның исеме үзгәрсә дә җисеме үзгәрми.  Бүген - үткәннәрнең якты хатирәсе булып күңелдә калган пионер оешмасы төзелүгә 101 ел. Шушы истәлекле дата уңаеннан, мәктәп күләмендә Пионериянең туган көненә багышланган тантаналы чара үтте. Абдрахманов Рамил Шамиль улы, 4 сыйныф җитәкчесе Замалтдинова Лилия Небиулла кызы укучыларга пионер оешмасы, аларнын тарихы, эшчәнлеге, атрибутлары турында сөйләде. Укучылырга Пионериянең үткәне турында презентация дә күрсәтелде. 
Тантананың икенче өлешендә 4 нче сыйныф укучысы Чахкиева Айшә Татарстан Варислар Берлеге сафына кабул ителде, өлкән сыйныф укучысы аның муенына галстук бәйләде.Ул яхшы варис булырга һәм Татарстан Варислар Берлегенең законнарын төгәл үтәргә вәгъдә бирде.
 Пионерда, комсомолда тәрбияләнгән буын вәкилләрен шушы истәлекле дата белән котлыйбыз, саулык һәм җан тынычлыгы теләп калабыз.