Җәйнең беренче көнендә Җир шары иң матур һәм иң якты бәйрәмнәрнең берсе булган Халыкара балаларны яклау көнен билгеләп үтә. Балалар – тормышыбызның бар мәгънәсе һәм илһам чыганагы.
 Кадерле балалар, сәламәт, акыллы, белемле һәм игелекле булып үсегез! Сез - безнең киләчәгебез, якты өметебез.  Концертлар, төрле - төрле уеннар, спорт ярышлары шушы көнне үткәрелә, ә кул эшләреннән ясалган күргәзмә исә бәйрәмгә тагын да ямь өстәп тора.   Быелгы күргәзмә  "Россиядә халык сәнгате һәм матди булмаган мәдәни мирас елы" уңаеннан оештырылган иде. Безнең мәктәп коллективы да бу эшләрдән якта калмады, бай эчтәлекле күргәзмә оештырып,  район халкына тәкъдим итте.