Соңгы звонок, соңгы чыңлау... Мәктәпне тәмамлаган шушы көннең кабатланмас хатирәләрен, дулкынландыргыч мизгелләрен кайсыбыз гына кадерләп йөрәк түрләрендә йөртми икән дә, кайсыбыз гына җитәкләп белем дөньясына алып кергән укытучыларын, кыңгыраулы мәктәп елларын сагынып искә алмый икән!
 Бүген районыбызның һәр мәктәбендә соңгы кыңгырау чыңлый, тантаналы линейкалар үтә. Мәктәпне тәмамлаучы укучылар яраткан укытучыларына ихлас рәхмәтләрен җиткереп, мөстәкыйль тормышка киңәш-фатихаларын ала. Соңгы кыңгырау" бәйрәме-  көтеп алына торган, күзләрне яшьләргә чылата торган һәм гомер буе онытылмый торган бәйрәм.
 Безнең Алимов Зариф исемендәге Яңа Кәкерле төп гомуми белем бирү мәктәбе коллективы өчен дә шулай бу. Ике укучысын олы тормыш юлына озата мәктәп.  Тынгысыз иртә, чәчәкләр "диңгезе", укучылар, әти-әниләр, дулкынланулар... һәм саубуллашу. Кадерле укучылар!  Ак алъяпкычлар, ак күлмәкләрегезнең аклыгы гомергә юлдаш булсын! Ак юллар сезгә!