Соңгы елларда республикабызда транспортлар саны һәм юлларда машина хәрәкәтләре көннән-көн арта бара.Шуның нәтиҗәсендә балаларның юл-транспорт һәлакәтләренә юлыгу очраклары да көчәя.Бу исә балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтү кирәклегенә басым ясый.Бүген,10 мартта, Яңа Кәкерле төп гомуми белем бирү мәктәбендә шушы уңайдан «Юлда йөрсәң бул өлгер, юл кагыйдәсен нык бел!»дип исемләнгән  уен  уздырылды.Чара мәктәп директоры Ш.М.Абдрахмановның кереш сүзе белән башланып китте. Әлеге бәйрәмдә Казан шәһәре территориаль идарәсе "Юл хәрәкәте иминлеге" ДБУ Буа бүлекчәсе Профилактика бүлегенең әйдәп баручы белгече Вахитова  Лилия Илдар кызы катнашты. Бәйрәм ахырында ул укучыларга үзенең киңәшләрен бирде һәм бүләкләр тапшырды. Уен- дәресне  башлангыч сыйныф укытучылары Замалтдинова Л.Н. белән Тарамасова Й.И. оештырдылар һәм алып бардылар.