Без- күпмилләтле халык. Һәр халыкның үз тарихы, үз гореф- гадәтләре, үз кыйбласы, үз теле бар. Ә туган тел исә дөньяны танып белү, өйрәнү- төшенү өчен тылсымлы алтын ачкыч, могҗизалы асыл корал- үзара аралашу, аңлашу коралы да. Телләрне саклап калу, үстерү максатыннан төрле чаралар үткәрелеп тора. Туган тел атналыгы кысаларында бүген мәктәптә " Туган телем- иркә гөлем" дип исемләнгән шигырь бәйрәме үтте.  Бәйрәмдә укучылар һәм укытучылар туган телгә багышлап татар, рус, инглиз, немец, чуаш һәм ингуш телләрендә сәнгатьле итеп шигырьләр сөйләделәр, җырлар җырладылар. Туган телен кадерләгән халык кадерле булыр. Туган теле барның милли юлы бар, милли йөзе бар, шәхес буларак үзе бар, кеше буларак абруе, хөрмәте бар.