Туган тел атналыгы кысаларында, туган телебезгә карата укучыларда мәхәббәт тәрбияләү, милли үзаң, горурлык хисләре булдыру максатыннан, 5-7 нче сыйныфларда китапханәче Д.Вилданова һәм педагог- оештыручы Р. Абдрахманов " Туган телем- гөлем" исемле дәрес- әңгәмә үткәрделәр. Әңгәмә барышында укучылар телебез тарихын искә төшерделәр, яңалыклар белән таныштылар. Ә 8-9 нчы сыйныфта "Эш күрсәткән ирне ил онытмас" исеме астында батырлык дәресе үтте. Ул М.Җәлил һәм аның көрәштәшләренә багышланган иде. Укучылар "Моабит дәфтәрләре" нең язылу һәм басылу тарихы белән таныштылар, шушы  китапларга кергән шигырьләрне укыдылар, җәлилчеләр турында презентация карадылар.