Үткән тормышыбызда мәңге онытылмас, йөрәккә кан белән язылган вакыйгалар байтак.Шуларның берсе- Әфган сугышы. Бу сугыш беткәнгә инде 33 ел узды, әмма аның хатирәләре, тау- ташлар арасында башын салган совет сугышчылары һичкайчан онытылмаслар. 15 февраль  Әфганстаннан Совет гаскәрләре чыгарылган көн буларак бәйрәм ителә. Шул уңайдан мәктәптә әфган сугышы ветераны авылдашыбыз Махмутов Илдус Нургали улы белән очрашу үткәрелде. Очрашуны мәктәп директоры Шамил Абдрахманов ачып җибәрде. Ул үзенең чыгышында кайнар нокталарда хезмәт иткән авылдашларыбызны искә алды. Илдус Нургали улы укучыларга армиягә киткән көннәре, бергә хезмәт иткән иптәшләре турында сөйләде. Очрашуда Яңа Ишле авылы җирлеге секретаре Низамутдинова Гелия катнашты һәм Илдус Махмутовка олы рәхмәтләрен әйтеп Яңа Ишле авыл җирлеге башлыгы исеменнән бүләк тапшырды. Бүгенге очрашу күңелләрдә һәрчак сакланыр!