Урамда кыш. Бөтен тирә- як аклыкка күмелгән. Шундый матур кыш көнендә хезмәттәшебез, озак еллардан бирле мәктәптә китапханәче булып эшләүче Вилданова Дилүзә Иршатовна үзенең юбилеен билгеләп үтә. Хөрмәтле Дилүзә Иршатовна! Сез үзегезне тормышчан, олы җанлы, һәрвакыт ярдәмгә килергә әзер торучы олы йөрәкле кеше булып таныттыгыз. Бүген Сез гаиләгезнең терәге, балаларыгызның кадерле кешесе. Һәрвакытта да шулай көләч йөзле, изге күңелле булып калыгыз. Алдагы көннәрдә дә якыннарыгыз янәшәсендә шатлыкта, куанычта,  бәхеттә яшәргә язсын Сезгә!