Ел да 15 майда – табигатьнең иң гүзәл,  алмагачлар  чәчәккә төренгән вакытында Халыкара гаилә көнен билгеләп үтәбез. Бу  көн Россиядә 1995 елдан  бирле  билгеләп үтелә. Бу  заманда  һәр кешегә кайтып сыеныр өчен җылы учак, тыныч почмак булуы кирәк. Ни генә булмасын, кеше үз гаиләсе кочагында ял итә,рухи көч җыя. Үз йортында бәхетле булган гына бәхетле.  Авылыбызда матур , үрнәк гаиләләр бихисап. Аларның күбесе тормыш юлыннан гомер буе матур итеп атлаучылар, пар канатлы, бер-берсеннән башка яши алмаучы, бер-берсенә кайгыртып, яратып эндәшүче  матур гаиләләр.  Шундыйларның берсе- безнең хезмәттәшебез Илнур Заер улы Закировлар гаиләсе.Нинди генә хәлләрдә дә гаилә ныклыгын саклый  алганга, туганнары һәм якыннарын  хермәт итә белгәнгә, аларның йортында тынычлык һәм  мәхәббәт  хөкем сөрә. Шуңа да аларның гаиләсе белән түгәрәк өстәл артында сөйләшү үткәрергә,үзебезне кызыксындырган сорауларга җаваплар алырга булдык. Үз чиратында, Закировлар ике дистәгә якын гаилә тормышының истәлекле вакыйгалары, тыныч тормышның кайбер серләре белән таныштырып үттеләр. Очрашу кичәбезне гаиләләрегез тату,күркәм, тигез булсын.Балаларыгыздан авыр сүз ишетмәгез,аларның мәрхәмәтлелеге, шәфкатьлелеге тормышыгызны тагы да нурландырып, бизәп торсын !-дигән теләкләр белән тәмамладык.