Илебез халкы  8 нче март - Халыкара хатын –кызлар  көнен   бәйрәм итте.  Алдан төзелгән программа буенча  безнең мәктәп тә бу чарадан читтә калмады. Иң элек атна дәвамында дәресләрдә һәм  дәрестән тыш сәгатьләрдә  балалар үз куллары белән бүләкләр ясадылар.  Һәр сыйныф яз һәм хатын –кызлар темасына стена газеталары чыгарды.

       Бәйрәм тантанасын мәктәп директоры ачып җибәрде.  Бәйрәмдә катнаша алмаган җитәкчеләрнең  изге теләкләрен укып үтте.

Иң элек залга мәктәпнең ир-балалары чыкты. Алар хатын –кызларга  багышланган шигырь һәм җырлар башкардылар.

“Кызлы өй” – дип исемләнгән ярыш  кичәне тагын да җанландырып җибәрде. Ике командага да җанатарлар теләктәшлек белдереп катнашып утырдылар. Ярышта  “Умырзая” һәм “Чәчәкләр”  командасы 64 әр балл җыйдылар.

Яз гөлләре – хатын – кызлар! Моның шулай булуын концертта чыгыш ясаучылар тагын бер кат исбатладылар.

Бәйрәмдә йөзгә якын  гүзәл ханымнар  һәм туташлар килгән иде. Бәйрәм  бик күңелле  үтте.    Кайнап торган самавыр, сый тулы  өстәлләр артында да шигырь – мөнәҗәт әйтүләр дәвам итте. Зиннатуллина Гөлнурның мәрхүмә әнисенә багышлап язган шигыре күпләрнең күзләренә яшь китерде. Барысы да  бәйрәмнән бик канәгать булып,  рәхмәтләрен җиткерделәр.  Дан аналарга!