Кичә мәктәптә бәйрәмнәрнең иң матуры, иң затлысы булган «Әниләр көне» н үткәрдек. Моңа әзерлек күптән башланган иде. Балалар үз куллары белән бүләкләр ясадылар, ә әниләре исә  балалары белән башкарачак җыр – биюләренә әзерләнделәр.Кайнап торган самавыр, сый тулы  өстәлләр көтеп торуга карамастан, балалар да, әниләр дә залдан китәргә ашыкмадылар. Бәйрәм чыгышларыннан соң да күмәк җыр – биюне дәвам иттерделәр. Сөрәнле, кояшлы көннәргә саран булган көз аена яктылык биргән бу бәйрәмнән барысы да бик канәгать калгандыр дип уйлыйбыз.