Кичә, ягъни 14 нче ноябрь көнне Казанда «Илаһи моң» дип исемләнгән төбәкара III фестиваль-конкурсының йомгаклау өлеше үтте.Ул татар халкының рухи мирасы үрнәкләрен һәм халык авыз иҗаты әсәрләрен сәнгатьле башкару бәйгесенең соңгы этабы иде . Фестиваль  Бөтендөнья татар конгресы Россия Ислам Университеты Татар мөселманнарының диния нәзарәте Татарстан республикасының мәдәният министрлыгы Казан федераль университеты белән берлектә үткәрелә. Бу конкурста безнең Яңа Кәкерле төп мәктәбеннән татар теле укытучысы Гөлинә Насибуллина һәм авыл китапханәчесе Райнә Миначевалар катнаштылар. Алар  мөнәҗәт һәм бәетне көйләп уку номинациясе буенча икенче урынны яулап, оештыручылар тарафыннан Рәхмәт хаты,Диплом һәм кыйммәтле бүләкләр белән бүләкләнделәр. Без аларны чын күңелдән уңышлары белән котлыйбыз һәм киләчәктә дә район һәм мәктәбебезнең данын яуларлар дигән өметтә калабыз.