Илебез халкы бу көннәрдә “Өлкәннәр көне”н зурлап билгеләп үтә.

 Матур традициягә әйләнгән “Өлкәннәр көне” безнең мәктәптә дә ныклы әзерлек белән башкарыла.Бу көннәрдә   безнең мәктәптә өлкәннәр һәм укытучылар көненә карата төрле чаралар, изге эшләр башкарыла. Сыйныф җитәкчеләре укучылар белән өлкәннәрнең өйләрендә булып,хәл-әхвәлләрен белешәләр.Алар һәр елны үзләренең бакчаларында үстергән чәчәкләрен бүләк итәләр.

1 нче октябрь көнне мәктәп, бәйрәмчә бизәлеп, авылның иң хөрмәтле кешеләрен-өлкәннәрне каршы алды.Укучылар әби- бабаларына карата әйтергә теләгән иң изге хисләрен шигырь һәм җыр юлларына салдылар.Бәйрәмдә, һәрвакыттагыча, өлкән абый -апаларыбыз үзләренең талантларын күрсәттеләр.Баянчы Айнетдинов Нагим абый татар халык көйләрен уйнап, барлык апаларны да җырлатты. Күпкырлы талант иясе Халилова Сария апа җырлап кына калмыйча,үзе иҗат иткән шигырен укып,таң калдырды.Фазилә апа Айметованың моңлы җырлавы, Дидәрә апа Садыкованың дәртле биюе белән бәйләнеп барган бәйрәм кичәсе бик күңелле үтте. Бәйрәм мул, тулы ризыклы чәй өстәле артында дәвам итте.