Кичә, ягъни 14 нче сентябрь көнне, мәктәптә ата- аналарның гомуми җыелышы булды. Көн тәртибендә үткән уку елы нәтиҗәләре һәм яңа уку елына бурычлар, балаларны кайнар аш белән тәэмин итү турындагы мәсьәләләр каралды. Шулай ук, ата- аналар белән берлектә, балаларның куркынычсызлыгы, аларның буш вакытларын файдалы үткәрү хакында да сөйләшү булды. Мәктәп директоры “Акчарлак” ял һәм сәламәтләндерү лагеры хакында  үзе генә сөйләп  калмады, ә шунда ял иткән укучыларның әти-әниләреннән дә сөйләтеп үтте. Алар балаларының бик канәгать калулары турында җиткерделәр.Һәм киләчәктә, мөмкин булса, үзләренең дә ял итәргә теләкләре булуын әйттеләр. Җыелышта  район Башкарма комитеты рәисе Ш.А.Алиуллов, Яңа Кәкерле сайлау участогының даими вәкиле Р.Юсупов һәм Яңа Ишле авыл җирлеге Башлыгы Р.У.Мухаметзянов катнашты. Җыелыш бик эшлекле сөйләшүләр белән узды.