Җәйнең беренче көне – балачак иленең иң матур бәйрәме. Шуңа да балалар бу көнне зур түземсезлек белән көтеп ала. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп тора. Чөнки үсеп килүче буын – ул безнең киләчәгебез, илебезнең киләчәге. Без алар хакына яшибез. Балаларыбызны мәрхәмәтле һәм кешелекле булырга өйрәтү – изге бурычыбыз. 

1 июнь – каникуллар башланган көн. Балаларыбыз яхшылап ял итсеннәр, көч тупласыннар өчен ,мәктәптә зур спорт бәйрәме оештырдык. Укучылар күңелле ярышта,футбол уеннарында һәм җыр –биюдә көч сынаштылар.Бәйрәмнән соң  кайнар чәй һәм коймак белән сыйландылар.