Әниләр көненә багышланган бәйрәм концертын мәктәп укучылары  үзләренең әниләренә кечкенә генә бүләк буларак оештырдылар. Әлеге чара Мәктәп директоры Шигабутдинова А.Р. ның котлау сүзләре белән башланып китте.Ул залда утырган барлык әниләрне якынлашып килүче бәйрәм белән чын күңеленнән котлады, аларга саулык – сәләмәтлек, гаилә иминлеге теләде. Концерт программасын педагог – оештыручы Митрофанова Г.Н. бик кызыклы итеп төзегән иде, бу программада  аерым чыгышлар да, сәхнәләштерелгән күренешләр дә бар иде.