Тарих укытучысы Кузнецов Н.П. дәрес башында бу көннең ни өчен “ Билгесез солдат “ көне буларак билгеләп үтелүен аңлатып үтте. Аннан соң бөек ватан сугышы  тарихына кыскача күзәтү ясалды. Бу күзәтү “ Ни өчен миллионлаган сугышчының исеме, вафат булган урыннары һаманда билгесез” булып кала бирә дигән сорауга җавап бирү максатыннан ясалды.  Әлеге сорауга җавап бирү бөек ватан сугышына багышланган слайдларны карау белән үрелеп барды. Төп игътибар “ Билгесез солдат каберенә “ бирелде. Дәрестә катнашучылар сугыш батырларын бер минут тынылык белән искә алды. Дәрес ахырында, дөньяда тарих дәресләрен үзләштермәгән яңа көчләр барлыкка килүе искәртеп үтелде.