Патриотик эшләр айлыгы уңаеннан  9,11 нче сыйныф укучылары белән сыйныф җитәкчеләре Гелшат Алирза кызы һәм Илсөяр Рәис кызлары “Сугыш урлаган балачак” исемле очрашу үткәрделәр.Чара сугыш чоры балаларына багышланды. Вакыт яраларны төзәтә диләр. Ә аларның яралары нигәдер төзәлми...Әлеге чарага үзе дә сугыш чоры баласы булган Гелсүм апа чакырылды. Гелсүм апа үзенең авыр вакытларын, истәлекләрен искә төшерде. Бераз кул арасына керә башлаган малайлар, кызлар өлкәннәр белән беррәттән хезмәт иткән.Сугыш гарасаты тынганнан соң байтак еллар үтсә дә, аларның югалту ачылары бик ачы, яралары һаман ачык, күз яшьләре бик кайнар әле. Без тарих итеп тыңлаган хикәятләр дә аларның үз башларыннан үткән хатирә бит. Сугыш дигән ачы хәсрәтнең фаҗигасен туганнан ук тоеп, үз күзләре белән күреп, ачлык – ялангачлыкның ни икәнен татып үскән.Алар – утлы елларда туган балалар. Шуңа күрә сабыр, нык алар.Тормыш кыйммәтләрен алар башкача аңлый.