3 нче ноябрь көнне бакча хезмәткәрләре белән киңәшмә уздырылды. Кышкы чорда сулыкларда куркынычсызлык, янгын куркынычсызлыгы, хезмәтне саклау һәм куркынычсызлык техникасы буенча агымдагы инструктаж үткәрелде. Куркынычсызлык таләпләрен үтәмәү аркасында купме кеше гомере вакытсыз өзелә. Көзге боз көзге калынлыгы гына булса да ышан, дисәләр дә, көчле салкыннар башланмыйча сулыкларда боз ныгымый. Кичке һәм төнге вакытта боз зур булмаган авырлыкны чыдата, ә көндезләрен кояш нурлары тәэсирендә ул көпшәкләнә, йомшаклана. Шуны истә тоту мөһим: сулыкларда боз тигез барлыкка килми, бер урында ул калынрак, икенче җирдә нечкәрәк була. Аның калынлыгын аяк белән тибеп тикшерергә ярамый, таяк  белән суккач су чыкса, димәк, боз өстендә йөрергә ярамый.  Бер кеше өчен бозның калынлыгы 7 сантиметрдан да ким булмаганда куркынычсыз, шугалак ясау өчен – 12, җәяүлеләр чыгып йөрү өчен 15 сантиметрдан ким булмаска тиеш.Беренче боз хасил булу белән балаларның хоккей уйнау һәм шугалакта шуу теләге барлыкка килә. Ата-аналар балаларын караучысыз елга буена җибәрмәсеннәр иде. Һәммәбезгә дә игътибарлы булу һәм куркынычсызлык кагыйдәләрен төгәл үтәү мөһим.