21 нче февраль - Халыкара туган телләр көне. Әлеге бәйрәм уңаеннан 21 нче февральдә Иске Роман урта мәктәбендә “Туган телем-иркә гөлем” дип аталган әдәби-музыкаль кичә үтте.

Җыр-бию, нәфис сүз, тел турында шигырьләр, җырлар, мәкальләр бәйгеләре кызыклы булды. Кичә “Туган тел” җырын күмәк башкару белән тәмамланды.

18 нче февральдә башлангыч класс укытучылары Хамзина Г.Р. һәм Хамзина Р.М. 2-4 нче сыйныфларда грамоталы матур язу үткәрделәр.

            19 нче февральдә 7-8 нче сыйныфлар арасында "Телен белгән ил ачар” дигән темага КВН үтте.              

20 нче февральдә китапханәче Мифтахова Р.С. 5-6 нчы сыйныфлар өчен мәктәп китапханәсендә "Хикмәтле дә, бизәкле дә туган тел!” дигән әдәби кичә үткәрде.

Классларда тематик сыйныф сәгатьләре булды:

5 нче сыйныфта  класс сәгате викторина формасында "Иле барның теле бар” (Кл.җитәкчесе З.Г. Салахова) үтте.

6 нчы сыйныфта авылдашыбыз Галимова Саниянең шигырьләр җыентыгын презентацияләү булды. Җирле шагыйрәнең иҗаты белән класс җитәкчесе Р.Р.Закирова таныштырды. Авторга укучылар үзләрен кызыксындырган сорауларны бирделәр.

7 нче сыйныфта "Тел – халыкның көзгесе” дигән темага әңгәмә үткәрелде. (Кл.җитәкчесе Р.Г.Нуртдинов)

8-9 нчы сыйныфларда "Тел – милләтнең таныклыгы” темасына багышланган класс сәгате якташ язучы Гаяз Исхакыйның 135 еллыгына багышланган иде. Укучылар әдипнең милләтебез азатлыгы өчен алып барган эшчәнлеге белән таныштылар. (Кл.җитәкчеләре Р.Р.Гизатуллина, Г.Н.Заббарова)

10-11нчы сыйныфларда "Тел язмышы – милләт язмышы” дигән темага диспут оештырылды. (Кл.җитәкчеләре Р.К.Билалова, И.К.Садыйков)

Укучылар  21 февраль - Халыкара туган телләр көне буларак барлыкка килү тарихы белән таныштылар.   Туган телгә багышланган әлеге чараларда сүз телгә, сүзгә карата , hәркайсыбыздагы гамьсезлектән арыну хакында барды.