12 май көнне танылган әдәбият галиме, РФ Гуманитар фәннәр академиясе академигы, Татарстанның атказанган фән эшлеклесе, Казан университетының мактаулы профессоры, күп санлы дәреслекләр авторы, тәнкыйтьче Хатыйп Йосыф улы Миңнегуловка 85 яшь тула.
Юбилей кысаларында Казан шәһәренең 11 нче татар гимназиясендә Хатыйп Йосыф улы Миңнегулов исемендәге “Дөньяда сүзебез бар…” дип исемләнгән Халыкара фәнни-гамәли конференциясе узды.
II  турга   Чистай муниципаль районы  Башкарма комитеты Мәгариф  идарәсе  укытучысының һөнәри үсеше буенча методисты -Җәббарова Гөлия Фаил кызының Хатыйп Миңнегуловның «Гаяз Исхакыйның мөһаҗирлектәге иҗаты» китабына бәяләмәсе «Х.Й.Миңнегуловның басма китапларына рецензияләр һәм бәяләмәләр эшләү»секциясенә  узды.Гөлия Фаил кызы III   дәрәҗә Дипломга лаек булды.  Шулай ук   «Галим сүзендә хикмәт бар» секциясендә “Гасырларны   тоташтыручы шәхес “ эссесе белән катнашып Чистай муниципаль районы Башкарма комитетының Мәгариф идарәсе методисты -Сираҗетдинова Рәмилә Рәшит кызы һәм  Яуширмә төп гомуми белем мәктәбенең туган (татар) теле укытучысы - Фәсхетдинова Лилия Марсель кызы III   дәрәҗә Дипломга лаек булдылар.  Яуширмә авылы китапханәсенең методисты-Зарипова Ләлә Минхади  кызы «Х.Й. Миңнегулов хезмәтләренә проект эшләре, презентацияләр»секциясендә Хатыйп Миңнегуловка  багышланган әдәби альманах белән катнашып   II  дәрәҗә Диплом белән бүләкләнде.
Киләчәктә дә аларга уңышлар телибез.
Чарада Фәсхетдинова Лилия Марсель кызы һәм Зарипова Ләлә Минхади  кызы Хатыйп Миңнегуловны якынлашып килүче юбилее белән Чистай муниципаль районы  Башкарма комитеты Мәгариф  идарәсе  исеменнән котладылар һәм истәлекле бүләкләр тапшырдылар.