Бүген гимназиядә  Алексеевск, Балык Бистәсе, Нурлат, Әлки, Спас, Чистай районнарыннан һәм шәһәрләреннән килгән   укучылар  «Илһам» Бөтенроссия яшь язучылар  бәйгесендә чыгыш  ясадылар. Алар «Яшь шагыйрь», «Яшь язучы», «Яшь прозаик», «Яшь журналист» номинацияләрендә көч сынаштылар.

     Катнашучыларга мәртәбәле жюри -  Татарстан Республикасы мәгариф һәм фән министрлыгының милли мәгариф бүлегенең әйдәп баручы киңәшчесе  Рүзәл Таһир улы Кәримов;  шагыйрә, публицист-язучы, язучыларның С. Сөләйманова исемендәге премиясе лауреаты, Татарстан Язучылар берлеге әгъзасы  Гөлзада Бәйрәмова; язучы, драматург,  Татарстанның атказанган сәнгать эшлеклесе,  «Мәгариф өлкәсендәге казанышлары өчен» медале лауреаты,  Ф. Хөсни, Д. Сираҗиев  премияләре  лауреаты,   Татарстан Язучылар берлеге әгъзасы Рәдиф Нәҗип улы Сәгъдиев   бәя бирде.

     Җиңүчеләр исемлеге Язучылар берлеге һәм Татарстан Республикасы Мәгариф һәм фән министрлыгы сайтларында урын алачак.

     Бәйге татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау, барлау, яшь язучыларны таныту максатыннан үткәрелә.

     Сегодня в гимназии прошел зональный этап  Всероссийского конкурса юных поэтов и писателей «Илһам» («Вдохновение»). Конкурс  прошел по следующим номинациям:  «Юный поэт»,  «Юный прозаик» , «Юный драматург»,  «Юный журналист».  Участие приняли ученики из Рыбно-Слободского, Нурлатского,  Алькеевского, Спасского, Алексеевского, Чистопольского муниципальных районов. Оценили конкурсантов ведущий советник отдела национального образования Министерства образовании и науки РТ Каримов Р.Т.,  члены союза писателей Сагдиев Р.Н., Гульзада Байрамова.