2-нче  гимназиядә күренекле язучы, публицист, драматург, җәмәгать эшлеклесе  Гаяз Исхакый истәлегенә багышланган VI республикакүләм фәнни- гамәли конференция узды.
      Конференциядә  мәртәбәле кунаклар - татар әдәбият галиме, дәреслекләр авторы, тәнкыйтьче, Татарстан һәм Россиянең атказанган фән эшлеклесе, фән һәм техника өлкәсендә ТР Дәүләт премиясе лауреаты, филология фәннәре докторы, профессор, Татарстан Язучылар берлеге әгъзасы  Миңнегулов Хатыйп Йосыф улы; әдәбият галиме, профессор, филология фәннәре докторы, Татарстанның   һәм Россия Федерациясенең  атказанган мәдәният хезмәткәре, язучылар берлеге әгъзасы, тәнкыйтьче, Россия Федерациясенең  атказанган фән эшлеклесе Фоат  Галимулла улы Галимуллин;  Татарстан сәясәтчесе, VI чакырылыш Татарстан Республикасы Дәүләт Советы депутаты,  «Бердәм Россия» партиясе әгъзасы,  Татарстан Республикасының атказанган мәдәният хезмәткәре, юридик фәннәр кандидаты Алсу Габдрахман кызы Тарханова;  якташ язучыбыз Минзифа Әхмәтшина катнаштылар. Конференция эшендә Әлки, Түбән Кама, Аксубай, Мамадыш, Чистай муниципаль районнарыннан килгән укучылар чыгыш ясадылар.