Әлеге чарада 8 мәктәпнең иң уңган, иң булган, иң сәләтле, иң зирәк татар егетләре көч сынашты. “Милләтем горурлыгы – татар егете» конкурсында егетләр үзләре белән таныштырдылар. «Эх, гармуннар уйный белсәм...» конкурсында сәхнә номеры тәкъдим ителде. «Кул көрәше» турында физик көч сыналды. «Егет кешегә җитмеш төрле һөнәр дә аз» этабында егетләр һөнәри осталыкларын тәкъдим иттеләр. “Татарга тылмач кирәкми” конкурсы интерактив уен формасында узды.
Бәйгедә катнашучыларның чыгышлары түбәндәге критерийлар буенча бәяләнде: эрудиция, иҗади сәләтләре, музыкальлек, сөйләм культурасы, кеше белән аралашу осталыгы, мөлаемлылык, сәхнәдә үз-үзен тотышлары, зирәклек, осталык һ.б.
Чара күтәренке рухта, җылы атмосферада узды. Катнашучылар да, тамашачылар да канәгать калды.
Чара ахырында төрле номинацияләрдә җиңүчеләр билгеләнде. Гран-при иясе - Татар Баганалысы мәктәбе укучысы Нуруллин И., җиңүче – 3нче гимназия укучысы Аглямов Р., “Иң уңган егет”- 5нче мәктәп укучысы Хәйруллин Р., “Иң милли җанлы егет” – Гаделша мәктәбе укучысы Галимов Эмиль, “Тамашачы мәхәббәтен яулаган егет” – 1нче гимназия укучысы Кәбиров И., “Иң зирәк егет”- 2нче гимназия укучысы Муртазин Р., “Иң тыйнак егет” – Татар Сарсазы мәктәбе укучысы Билалов Р., “Иң әдәпле егет” номинациясендә җиңүче исеменә 1нче мәктәп укучысы Мотыгуллин А. лаек булды.