Шушы тема астында 24 нче декабрь көнне мәктәбебезгә әтиләре сугыш кырларында һәлак булган абый-апаларны очрашу кичәсенә чакырдык.

Сугыш беткәнгә дә 70 ел узып бара, әмма аның дәhшәте – көл булган шәhәр авыллар өстендә, яу кырыннан кайтмый калган ир-егетләр , әти-бабалар каберлегендә. Аның сары сагышы әтисезләр йөзендә. Алар сугыш дигән ачы хәсрәтнең фаҗигасен туганнан ук тоеп, үз күзләре белән күреп, ачлык- ялангачлыкның ни икәнен татып үскән. Алар утлы елларда туган балалар. Шуңа күрә сабыр, нык  алар.Мисбахова Мөгаззәмә апа,Гатина Җария апалар күзләреннән яшьләрен сөртә-сөртә укучыларга ач-ялангач,сыңар канат булып, нужа чигеп үткән балачаклары турында сөйләделәр.Очрашу кичәсе чәй табыны янында дәвам итте.Килгән кунакларыбызга олы рәхмәтләребезне җиткерәбез һәм исәнлек-саулык,тыныч картлык телибез.